Taith yw rhaglen cyfnewid dysgu rhyngwladol Cymru, sy’n creu cyfleoedd sy’n newid bywydau i ddysgu, astudio a gwirfoddoli ledled y byd

Fe’ch gwahoddwn ar daith gyda ni.

Mae effaith ein prosiect Taith wedi rhagori ar ein disgwyliadau ac wedi cyfrannu at ein nod o leihau rhwystrau i’n cleientiaid sydd â phrofiad bywyd o anfantais gymhleth. Fel cyfranogwyr anhraddodiadol, roedd llawer ohonynt wedi ymddieithrio oddi wrth addysg brif ffrwd, ac yn awr maent wedi darganfod angerdd i barhau â’u taith addysg oedolion neu yn eu geiriau nhw ddechrau taith newid bywyd!

Lucy Leighton, Rheolwr Cyflenwi Gwasanaethau Cymunedol, St Giles Cymru

Nid oedd y teithiau hyn yn ymwneud ag archwilio gwledydd newydd yn unig, ond â phrofi, gyda’r gefnogaeth gywir, y gall pob plentyn, waeth beth fo’i anghenion, gofleidio’r byd a disgleirio.

Ryan Sheppard, athro, Ysgol Arbennig Portfield

Mae bod yn rhan o brosiect Taith yn fywyd ei hun. Mae’n cynnwys dysgu, rhannu, cyd-drafod, cyfathrebu, bod yn agored a hael, wynebu heriau ac ofnau, a dod â syniadau a phobl at ei gilydd, pa un bynnag ydynt, ble bynnag y maent, beth bynnag a wnânt. Fel cymuned. Fel bywyd.

Sara Novo, Cydlynydd Prosiect – Rhaglen Dramor, Coleg Gwent

Rhoddodd y daith i Sweden brofiadau cyfoethogi bywyd i’n disgyblion gan gyfoethogi eu sgiliau cerddorol a’u hyder. Mae’r myfyrwyr hyn wedi dychwelyd adref gyda gwerthfawrogiad o ddiwylliannau dysgu, sy’n cyfoethogi amgylchedd y dosbarth ac yn annog disgyblion eraill i anelu at gyfleoedd tebyg.

Rhys Roberts, rheolwr, Sistema Cymru (Codi’r To)

Mae prosiect Taith wedi darparu cyfleoedd i ddysgwyr na fyddai byth wedi bod yn bosib fel arfer. Nid oedd rhai myfyrwyr erioed wedi gadael Cymru, ac eto darparodd cyllid Taith gymorth i brynu pasbortau, teithio, llety, cynhaliaeth a chyllid gweithgareddau i gefnogi dysgwyr i ymgolli mewn diwylliannau lleol dramor, gan gefnogi eu taith ar ddod yn ddinasyddion byd-eang. I rai, mae’r cyfle hwn wedi bod yn ddigwyddiad trawsnewidiol o ran eu bywydau personol, eu gyrfaoedd, a hyd yn oed gwneud ffrindiau o bob rhan o’r Byd.

Richard Gordon, Uwch Reolwr Rhaglenni a Chynigion a Ariennir, Coleg Caerdydd a’r Fro

Rhoddodd Taith y cyfle i’n hysgolion archwilio agweddau allweddol ar ein treftadaeth tra’n darparu cyfleoedd i ddisgyblion, na fyddai llawer ohonynt wedi gallu ymwneud â phrofiadau o’r fath fel arall, gyda’r cyfle i ymgolli yn iaith a diwylliant gwlad wahanol - diolch yn fawr iawn i Taith!

Phil Matthews, cydlynydd MFL, Ysgol Gynradd Ystrad Mynach

Mae prosiect symudedd rhyngwladol Taith 2023/24 wedi cael effaith ddofn ar ein dysgwyr a’n staff, gan ddarparu profiadau sy’n newid bywydau sydd wedi cyfoethogi ein cwricwlwm ac ehangu safbwyntiau byd-eang. Mae'r partneriaethau rydyn ni wedi'u meithrin, a'r mewnwelediadau byd go iawn o'r diwydiant a enillwyd nid yn unig wedi cryfhau ein harlwy addysgol ond hefyd wedi gwella cyflogadwyedd a hyder ein myfyrwyr.

Christy Anson-Harries, Cyfarwyddwr Recriwtio, Dilyniant a Phartneriaethau Dysgwyr, Coleg Ceredigion