Geirfa - Taith

Addysg i Oedolion: Mae addysg i oedolion yn darparu dysgu ffurfiol, heb fod yn ffurfiol ac anffurfiol i oedolion, i'w galluogi i ddatblygu gwybodaeth, sgiliau a chymwyseddau, ailhyfforddi, neu loywi/diweddaru eu gwybodaeth mewn maes penodol.
Dyddiad cau ar gyfer gwneud cais: Y dyddiad a'r amser olaf y gellir cyflwyno'r holl ffurflenni cais er mwyn i dîm Taith eu hystyried a'u hasesu.
Consortiwm: Dau neu ragor o sefydliadau yng Nghymru sy'n cydweithio i ddatblygu a chyflawni prosiect neu weithgaredd o fewn prosiect.
Cyfranogwr difreintiedig: Cyfranogwyr sy’n fyfyriwr neu’n berson ifanc sy'n cael eu hystyried dan anfantais yn unol ag un neu ragor o feini prawf Taith a byddant yn gymwys i gael cymorth ariannol ychwanegol. Gweler Atodiad 2 yng Nghanllaw'r Rhaglen am ragor o fanylion.
Gweithgaredd cymwys: Gweithgaredd sy'n bodloni'r meini prawf a nodir yng Nghanllaw Rhaglen Taith.
Costau cymwys: Swm y grant sy'n gysylltiedig â chynnal gweithgareddau prosiect.
Sefydliad cymwys: Sefydliad sy'n gallu gwneud cais am gyllid Taith.
Adroddiad terfynol: Adroddiad gorfodol y mae angen i'r holl fuddiolwyr ei gyflwyno i Taith ar ddiwedd y prosiect.
Dysgu ffurfiol: Unrhyw ddysgu sy'n digwydd yn rhan o raglen ddysgu sydd wedi’i threfnu neu’i strwythuro.
Galwad am gyllid: Y cyfnod o amser pryd y gellir cyflwyno ceisiadau am gyllid.
Addysg Bellach: Addysg gyffredinol a ddarperir i fyfyrwyr neu ddysgwyr dros 16 oed nad ydynt bellach o oedran ysgol gorfodol. Mae addysg bellach yn cynnwys darpariaeth nad yw'n addysg uwchradd orfodol nac sy'n rhan o addysg uwch a gall gynnwys darpariaeth alwedigaethol.
Grant: Y cyllid a ddyfernir gan Taith i sefydliad llwyddiannus sy’n gwneud cais.
Cytundeb Grant: Y cytundeb ysgrifenedig rhwng Taith a'r buddiolwr yn manylu ar delerau ac amodau'r dyfarniad cyllid yn unol â'r ffurflen gais a fydd wedi'i hasesu i fod yn gymwys i’w hariannu ac wedi'i chymeradwyo i'w hariannu gan y pwyllgor perthnasol.
Cyfraddau grant: Cyfraddau sefydlog sydd ar gael ar gyfer costau cymwys gwahanol.
Addysg Uwch: Addysg drydyddol nad yw'n gyfystyr ag addysg bellach (ond gall darparwyr addysg bellach ei darparu). Yn gyffredinol, mae'n arwain at gymhwyster penodedig ar lefel 4-8.
Dysgu anffurfiol: Dysgu sy'n digwydd y tu allan i raglen ddysgu drefnus neu strwythuredig ac nid oes cymorth dysgu yn bresennol. Cyfeirir atynt weithiau fel dysgu drwy brofiad neu achlysurol.
Adroddiad interim: Adroddiad gorfodol y mae angen i'r holl fuddiolwyr ei gyflwyno i Taith ar adeg benodol yn ystod oes y prosiect.
Y Rhaglen Gyfnewid Ryngwladol ar gyfer Dysgu (ILEP): ILEP sy’n cyflawni Taith fel gweithrediaeth y rhaglen ac mae’n is-gwmni sy’n eiddo’n llwyr i Brifysgol Caerdydd.
Symudedd Mewnol: Cyfranogwyr o sefydliadau anfon cymwys sy'n dod i Gymru i gymryd rhan mewn gweithgaredd neu raglen a ariennir gan Taith.
Rhyngwladol: Yng nghyd-destun Taith, unrhyw wlad y tu allan i'r Deyrnas Unedig.
Mis: Wrth gyfrifo swm grantiau Taith, mae mis yn 28 diwrnod.
Dysgu anffurfiol: Dysgu sy'n digwydd y tu allan i unrhyw raglen ddysgu sydd wedi’i threfnu neu’i strwythuro, ond mae rhywfaint o gymorth dysgu yn bresennol.
Symudedd Allanol: Cyfranogwyr o sefydliadau cymwys yng Nghymru sy'n cymryd rhan mewn gweithgareddau a gefnogir gan Taith mewn sefydliadau sy'n derbyn y tu allan i'r DU (neu mewn amgylchiadau eithriadol yn unig, y tu allan i Gymru mewn sefydliadau sy'n derbyn yng ngweddill y DU).
Cyfranogwr: Unigolyn sy'n ymgymryd â gweithgaredd cyfnewid rhyngwladol ffisegol/rhithwir neu gyfunol mewn prosiect a ariennir gan Taith.
Sefydliad partner: Term generig ar gyfer unrhyw sefydliad sy'n ymwneud yn ffurfiol â phrosiect a ariennir gan Taith, lle mae perthynas neu ryngweithio’n rhan o’r prosiect. Gall gynnwys y sefydliadau hynny a nodwyd fel sefydliad sy’n gwneud cais, cydlynydd, sefydliad sy'n derbyn neu sefydliad sy'n anfon yn ogystal ag eraill sy'n ymwneud â chyflawni'r prosiect.
Partneriaeth: Cytundeb ffurfiol rhwng dau neu ragor o sefydliadau i gymryd rhan mewn prosiect a ariennir gan Taith ac i gymryd rhan mewn gweithgareddau a phrofiadau dysgu ar y cyd.
Rhag-ariannu: Taliad ymlaen llaw gyda'r bwriad o ddarparu cyllid i'r buddiolwr i allu dechrau gweithgareddau’r prosiect.
Prosiect: Gweithgareddau wedi'u trefnu a'u cynllunio y cytunir arnynt er mwyn cyflawni amcanion a chanlyniadau clir.
Cyllideb prosiect: Cyfanswm yr arian a ddyrannwyd ar gyfer gweithgareddau y cytunwyd arnynt o fewn prosiect a ariennir gan Taith.
Sefydliadau sy'n anfon: Sefydliad sydd wedi'u cofrestru ac sy’n gweithredu y tu allan i'r DU ac yn anfon cyfranogwyr i sefydliad lletyol yng Nghymru yn ystod gweithgareddau cyfnewid. Diffinnir sefydliadau anfon cymwys yn y Canllaw Rhaglen sector-benodol.
Sefydliad sy'n derbyn: Pan fydd unigolion neu grwpiau'n cymryd rhan mewn gweithgaredd cyfnewid wyneb yn wyneb drwy Taith, y sefydliad sy'n derbyn fydd eu sefydliad lletyol. Gellir cyfeirio at y sefydliad hwn yn aml fel lletywr neu bartner sefydliad rhyngwladol. Diffinnir sefydliadau derbyn cymwys yn y Canllaw Rhaglen sector-benodol.
Sefydliad sy'n gwneud cais: Y sefydliad yng Nghymru sy'n cyflwyno cais am gyllid i Taith. Gall sefydliad sy’n gwneud cais wneud hynny naill ai'n unigol neu ar ran consortiwm, sy'n cynnwys sefydliadau eraill sy'n ymwneud â'r prosiect.
Ysgolion: At ddibenion Taith, diffinnir ysgol fel ysgol a gynhelir gan yr Awdurdod Lleol sy'n darparu addysg gyffredinol neu alwedigaethol i blant a phobl ifanc 4-19 oed.
Staff: Person sy'n cael ei gyflogi gan sefydliad sy’n gwneud cais, neu'n gweithio iddo, boed ar sail broffesiynol neu wirfoddol.
Cynhaliaeth: Cyllid sydd ar gael i dalu costau byw, a all gynnwys llety, bwyd a thrafnidiaeth lleol, tra’n ymgymryd â gweithgaredd cyfnewid ffisegol.
Ieuenctid: Mae gwaith ieuenctid a darpariaeth cymorth ieuenctid yn galluogi pobl ifanc i ddatblygu'n gyfannol, gan weithio gyda nhw i hwyluso eu datblygiad personol, cymdeithasol ac addysgol, a'u galluogi i ddatblygu eu llais, eu dylanwad a'u lle mewn cymdeithas – gan eu helpu i gyrraedd eu llawn botensial.
Addysg a Hyfforddiant Galwedigaethol: Mae’r sector Addysg a Hyfforddiant Galwedigaethol yn cynnig ystod eang o gyrsiau/sgiliau sy'n helpu myfyrwyr neu ddysgwyr i ddatblygu gwybodaeth, dealltwriaeth, sgiliau a/neu gymwyseddau sy'n uniongyrchol berthnasol i alwedigaethau neu gyflogaeth benodol. Gall gwmpasu cymwysterau galwedigaethol a hyfforddiant yn y gwaith.

Canllaw Craidd Rhaglen Taith 2023