Prosiectau a Gynlluniwyd

Ceisiadau a chyfranogwyr

Mae cyllid Taith wedi bod ar gael ers mis Mawrth 2022 a phwrpas Taith yw creu cyfleoedd newid bywyd i ddysgwyr a phobl ifanc ledled Cymru drwy gyfnewidiau dysgu rhyngwladol. Mae wedi bod yn ysbrydoledig gweld faint o bobl sydd eisoes wedi manteisio ar y cyfle i ymgeisio am gyllid Taith ac rydym am ddathlu’r rhai sydd wedi bod yn llwyddiannus.

Yma gallwch ddod o hyd i bob prosiect a ariannwyd gan Taith, a gallwch hidlo yn ôl yr opsiynau ar yr ochr chwith. Mae’r data a ddarparwyd wedi’u cymryd o’r cam ymgeisio a’r cyllidebau clustnodedig y cytunwyd arnynt a nifer y cyfranogwyr.

Mae Taith yn parhau i esblygu fel rhaglen ac mae rhai newidiadau yn effeithio ar y ffordd y mae data’n cael eu dal a’u cyflwyno. Yn 2022 a 2023 roedd Sefydliadau Addysg Uwch yn gallu gwneud cais am gyllid o dan ddau opsiwn (Addysg ac Ymchwil), ond o 2024 cyfunwyd y rhain yn un ymgais fesul sefydliad. Yn ogystal, yn 2022 roedd ail alwad ariannu Llwybr 1 yn agored i’r sectorau Addysg Bellach ac Addysg a Hyfforddiant Galwedigathol oherwydd y cyllidebau a oedd ar gael.

Yn y cyfnod pan bod ceiswyr llwyddiannus yn cwblhau eu cytundeb grant ni allwn gyhoeddi’r cyllid a ddyfarnwyd iddyn nhw na’r nifer o gyfranogwyr. Fel canlyniad, welwch ‘TBC’ yn y cyfnod yma. Mae’r prif grynodebau isod yn cyfrifo cofnod TBC fel sero, a tra bod ‘Ceisiadau wedi eu derbyn’ a ‘Ceisiadau llwyddiannus’ yn dangos y ceiswyr llwyddiannus diweddaraf yn eu cyfanswm cronnol, fydd y ‘Cyllid a ddyfarnwyd’ a ‘Cyfanswm y cyfranogwyr’ ddim yn cyfri’r ffigyrau yma tan fod y cytundebau grant wedi eu harwyddo a pan bod ’TBC’ yn newid i’r ffigwr perthnasol.