Rydym yn gwahodd unigolion a sefydliadau ledled sectorau gymwys Taith (Ysgolion, Ieuenctid, Addysg Oedolion, Addysg Bellach ac Addysg a Hyfforddiant Galwedigaethol ac Addysg Uwch) i ymuno â’n grwpiau Rhanddeiliaid Sectorau. Fel rhaglen newydd, rydym yn edrych i ddatblygu a gwella Taith yn barhaus, ac mae ymgynghori â rhanddeiliaid a’u cyfraniad yn rhan hanfodol o hyn.
Rôl y grwpiau fydd:
- Cynrychioli barn eu sefydliad ac eraill o fewn eu sector ynglŷn â datblygiad parhaus a darpariaeth rhaglen Taith, gan gynnwys polisi, prosesau a chyfathrebu.
- Rhoi adborth ar ffyrdd o weithio ac ar ymagweddau tuag at ddylunio, datblygu, darparu ac effaith y rhaglen.
- Nodi ac amlygu rhwystrau i gyfranogiad o fewn y sector perthnasol a darparu adborth/cyngor ar sut gall y rhaglen gyflawni ei blaenoriaethau strategol o ran cynhwysiant a hygyrchedd.
- Rhannu mewnwelediadau a diweddariadau ar ddatblygiadau perthnasol yn eu sector ac aliniad gyda blaenoriaethau’r sector.
Bydd cyfleoedd hefyd i rannu arfer da, trafod a chydweithio traws-sector, gan ganolbwyntio ar flaenoriaethau thematig allweddol.
Bydd cyfarfodydd yn cael eu cynnal bob chwarter, ar-lein, o fis Medi 2023. Mae aelodaeth yn agored i bob unigolyn a sefydliad yn y sectorau yng Nghymru sydd â diddordeb/cyfranogiad mewn Taith a chyfnewid rhyngwladol. Mae aelodaeth yn wirfoddol, a gall aelodau ymuno/gadael ar unrhyw adeg.
Bydd y rownd nesaf o Grwpiau Rhanddeiliaid Sector ar yr 28 Ionawr 2025.
Os oes gennych chi neu’ch sefydliad ddiddordeb mewn ymuno ag un o grwpiau Randdeiliaid Sectorau, neu os hoffech gael gwybod mwy, e-bostiwch ymholiadau@taith.cymru.
