Partneriaethau a Chydweithio Strategol

Cyllid

Mae cynhwysiant a hygyrchedd yn ffocws strategol i Taith ac rydym ni’n dymuno cyllido cynifer o sefydliadau â phosib gydag amrywiaeth mor eang â phosib. O ganlyniad, uchafswm dyfarniadau prosiectau Llwybr 2 fydd £75,000. 

Gall y sefydliadau partner rhyngwladol dderbyn hyd at 30% o gyfanswm y grant. 

Cymorth cynhwysiant ar gyfer pobl o gefndiroedd difreintiedig

Bydd dysgwyr o gefndiroedd difreintiedig yn derbyn cymorth ychwanegol ar gyfer costau teithio, gan gynnwys costau pasbortau a fisâu, brechiadau, profion Covid-19 ac yswiriant iechyd.

Cymorth cynhwysiant i bobl ag anableddau ac anghenion dysg ychwanegol (AAA)

Bydd cyfranogwyr ag anabledd a/neu anghenion dysgu ychwanegol yn derbyn cymorth a fydd yn cynnwys costau ychwanegol cyfranogiad sy’n gysylltiedig â’u hanghenion.