Partneriaethau a Chydweithio Strategol

Pwy sy’n gallu cyflwyno cais

• Unrhyw ysgol a ariennir neu a gynhelir gan awdurdod lleol ac sy’n gofrestredig yng Nghymru ac yn gweithredu ynddi, gan ddarparu addysg gyffredinol neu alwedigaethol i blant a phobl ifanc rhwng 4 ac 19 oed sy’n cael eu harolygu gan ESTYN; 

• Unrhyw un o 22 awdurdod lleol Cymru; neu
• Gonsortiwm sy’n cynnwys un sefydliad blaenllaw sy’n cyflwyno cais ar ran sawl ysgol. Rhaid i’r consortiwm gynnwys o leiaf un ysgol sydd wedi’i chyllido neu ei chynnal gan awdurdod lleol ac sy’n gofrestredig yng Nghymru, ac yn gweithredu yno, a gall hefyd gynnwys awdurdodau lleol neu ranbarthol, cyrff sy’n cydlynu ysgol neu fenter gymdeithasol neu sefydliadau eraill gyda rôl ym maes addysg ysgol. Rhaid bod holl aelodau’r consortiwm yn cael eu rheoleiddio neu fod yn gofrestredig yng Nghymru, a gweithredu ynddi, a rhaid i unrhyw ysgolion yn y consortiwm gael eu cyllido neu eu cynnal gan awdurdod lleol a bod yn gofrestredig yng Nghymru a gweithredu ynddi. 

Prosiectau traws-sector

Mae Taith yn deall yn llawn gwerth gweithio ar draws sectorau a buddion dod â sefydliadau ynghyd o wahanol sectorau i weithio tuag at nod gyffredin. Felly, mae’r rhaglen yn cefnogi ac yn annog prosiectau traws-sector o sefydliadau o sectorau gwahanol sy’n gweithio mewn partneriaeth.

Cydgyfnewidiaeth 

Mae egwyddorion dwyochredd a dysgu ar y cyd yn ganolog i Taith. Gellir defnyddio hyd at 30% o’r cyllid ar gyfer prosiectau yn Llwybr 2 Taith i ariannu gweithgareddau partner(iaid) rhyngwladol