Mae Taith yn cynnig cyfleoedd i ddysgwyr a staff o sefydliadau Addysg Bellach ac Addysg a Hyfforddiant Galwedigeithol yng Nghymru i ddysgu, hyfforddi, gwirfoddoli a gweithio dros y byd i gyd a chymryd rhan mewn profiadau rhyngwladol sy’n newid bywydau, y dangoswyd eu bod yn cael effaith gadarnhaol ar gynnydd personol pobl yn eu bywydau, eu dysgu a’u rhagolygon cyflogadwyedd.
Pam cymryd rhan?
Gall cynnig profiadau rhyngwladol i ddysgwyr newid eu bywydau. Mae rhaglenni symudedd Taith yn galluogi cyfranogwyr i ddatblygu’r sgiliau bywyd a’r galluoedd allweddol mae eu hangen iddynt ffynnu, wrth gynyddu hyder a chynyddu uchelgeisiau i ddysgwyr.
Mae Taith yn rhaglen gynhwysol sy’n cynnig cymorth ychwanegol i gyfranogwyr o gefndiroedd dan anfantais ac anghenion dysgu ychwanegol, gan alluogi’r rhai hynny â llai o gyfleoedd i gymryd rhan mewn profiadau trawsnewidiol. Gydag amrywiaeth eang o weithgareddau cymwys i unigolion a grwpiau, mae cyllid ar gael i ddysgwyr o bob math.
Mae Taith yn cynnig cyfle cyffrous i staff Addysg Bellach ac Addysg a Hyfforddiant Galwedigaethol (VET) yng Nghymru ryngwladoli eu hyfforddiant a’u datblygiad proffesiynol. Gall cyfranogwyr ddefnyddio eu cyllid i gyfnewid arfer rhyngwladol gorau yn eu meysydd a gwella safonau addysg a hyfforddiant yng Nghymru, yn ogystal â sefydlu neu ddatblygu cysylltiadau a chydweithio â phartneriaid rhyngwladol i feithrin perthnasoedd parhaus. Mae hyn yn cynnig ffyrdd newydd i staff ddiwallu anghenion sefydliadol a mynd i’r afael â meysydd blaenoriaeth lleol a chenedlaethol, gan gynnwys egwyddorion Bil Addysg Drydyddol ac Ymchwil.
Pwy sy’n gallu cyflwyno cais?
Addysg Bellach:
Sefydliadau cymwys i wneud cais:
- Unrhyw sefydliad cyhoeddus sy’n cael ei reoleiddio neu ei gofrestru yng Nghymru, ac sy’n gweithredu o Gymru sy’n weithgar ym maes addysg bellach, ac sy’n cynnig amrywiaeth o gyrsiau ar wahanol lefelau o fewn Fframwaith Credydau a Chymwysterau Cymru, gan arwain at gymwysterau achrededig;
- Cyrff cydgysylltu cenedlaethol, rhanbarthol neu leol sy’n gweithredu yng Nghymru ac yn goruchwylio darpariaeth addysg bellach;
- Consortiwm o sefydliadau/darparwyr nid-er-elw, sy’n cynnwys un sefydliad arweiniol sy’n gwneud cais ar ran dau neu fwy o ddarparwyr addysg bellach, ym maes addysg bellach. Rhaid i bob aelod o’r consortiwm gael ei reoleiddio neu ei gofrestru yng Nghymru, a bod yn gweithredu o Gymru. Rhaid cytuno ar bartneriaid consortiwm a’u henwi ar adeg y cais a ni chaniateir i sefydliadau sy’n gwneud cais godi ffi am gael eu cynnwys mewn cais gan gonsortiwm.
Nid yw sefydliadau er elw ac unig fasnachwyr yn gymwys i wneud cais na chael eu henwi fel partneriaid consortiwm. Dylech gyfeirio at ganllaw cymhwyster Taith i gadarnhau a yw eich sefydliad yn bodloni’r gofyniad cymhwyster nad yw’n gweithredu er elw.
Cyfranogwyr cymwys:
Staff/Person sy’n gwmni:
- Staff sy’n ymwneud â darparu dysgu AB ac a gyflogir gan y darparwr addysg cymwys sy’n cymryd rhan.
- Aelodau staff eraill a gyflogir gan sefydliad cymwys sy’n cymryd rhan sy’n darparu AB.
Symudedd Dysgwyr:
Dysgwyr AB sy’n ymwneud â gweithgareddau dysgu ac wedi cofrestru ar raglen achrededig mewn coleg AB cymwys.
Addysg a Hyfforddiant Galwedigaethol:
Sefydliadau cymwys i wneud cais:
Unrhyw sefydliad cyhoeddus neu nid-er-elw sy’n cael ei reoleiddio neu ei gofrestru yng Nghymru, ac sy’n gweithredu o Gymru sy’n weithgar ym maes addysg a hyfforddiant galwedigaethol, sy’n cynnig amrywiaeth o gyrsiau, gan arwain at gymwysterau achrededig, gan gynnwys:
- Cyrff cydgysylltu cenedlaethol sy’n gweithredu yng Nghymru ac yn goruchwylio’r ddarpariaeth addysg neu hyfforddiant ym maes addysg a hyfforddiant galwedigaethol;
- Sefydliadau anllywodraethol nid-er-elw, mentrau cymdeithasol a sefydliadau nid-er-elw, gan gynnwys ond heb fod yn gyfyngedig i elusennau cofrestredig a chymdeithasau corfforedig elusennol, cwmnïau budd cymunedol, cwmnïau cyfyngedig drwy warant sydd ddim yn gweithredu er elw sydd yn cynnal, hyfforddi neu weithio gyda dysgwyr a phrentisiaid ym maes addysg a hyfforddiant galwedigaethol;
- Consortiwm o sefydliadau a darparwyr nid-er-elw, sy’n cynnwys un sefydliad arweiniol sy’n gwneud cais ar ran dau neu fwy o ddarparwyr addysg a hyfforddiant galwedigaethol, ym maes addysg a hyfforddiant galwedigaethol. Rhaid i bob aelod o’r consortiwm gael ei reoleiddio neu ei gofrestru yng Nghymru, a bod yn gweithredu o Gymru. Rhaid cytuno ar bartneriaid consortiwm a’u henwi yn y cais a ni chaniateir i sefydliadau sy’n gwneud cais godi ffi am gael eu cynnwys mewn cais gan gonsortiwm.
Nid yw sefydliadau er elw ac unig fasnachwyr yn gymwys i wneud cais na chael eu henwi fel partneriaid consortiwm. Dylech gyfeirio at ganllaw cymhwyster Taith i gadarnhau a yw eich sefydliad yn bodloni’r gofyniad cymhwyster nad yw’n gweithredu er elw.
Cyfranogwyr cymwys:
Staff/Person sy’n gwmni:
- Staff sy’n ymwneud â darparu dysgu AHG ac a gyflogir gan y darparwr addysg cymwys sy’n cymryd rhan.
- Aelodau staff eraill a gyflogir gan sefydliad cymwys sy’n cymryd rhan sy’n darparu AHG.
Dysgwyr:
Dysgwyr AHG sy’n ymwneud â gweithgareddau dysgu neu hyfforddi ac wedi cofrestru gyda darparwr AHG
Os oes gennych ddiddordeb mewn darganfod mwy am Taith a’n cyfleoedd ariannu, cysylltwch â ni a bydd aelod o’r tîm mewn cysylltiad.
Cysylltwch â niArchwiliwch
Straeon
