Trosolwg - Taith

Mae’r sector ieuenctid yng Nghymru yn amrywiol ac yn eang iawn, ac mae sefydliadau’n amrywio o ran eu maint a’u ffocws, a ph’un a ydynt yn y sectorau statudol a gwirfoddol, gan gynnwys sefydliadau anllywodraethol, mentrau cymdeithasol a sefydliadau nid-er-elw.

Mae Taith yn cynnig cyfleoedd i bobl ifanc, staff a gwirfoddolwyr o sefydliadau ieuenctid Cymru a gwasanaethau ieuenctid awdurdod lleol gymryd rhan mewn rhaglenni cyfnewid trawsnewidiol sy’n newid bywydau dramor, gan roi cyfle i gyfranogwyr ddatblygu sgiliau newydd a chael profiad o ddiwylliannau ac ieithoedd newydd.

Mae Taith yn cynnig cyfleoedd heb ei ail i bobl ifanc o Gymru. Os ydych chi’n cael trafferth gyda’r cais neu’n poeni am agweddau ymarferol ar gyflwyno, gallwch chi bob amser anfon e-bost at dîm cymorth Taith. Rwy’n teimlo bod tîm Taith wedi cynnig cymorth parhaus, sy’n ei gwneud hi’n llawer haws ymgeisio a gweithredu’r prosiect.

Gundija Zandersona, Kokoro Arts ar ôl symudedd i Gyprus

Four people looking at the camera smiling, with a backdrop of a grassy hill, trees and some buildings.

Pam cymryd rhan?

Gall profiadau rhyngwladol newid bywydau. Mae rhaglenni symudedd Taith yn galluogi cyfranogwyr i ddatblygu’r sgiliau bywyd a’r galluoedd allweddol mae eu hangen iddynt ffynnu, wrth gynyddu hyder a chynyddu uchelgeisiau i ddysgwyr.

Mae Taith yn rhaglen gynhwysol sy’n cynnig cymorth ychwanegol i gyfranogwyr o gefndiroedd dan anfantais ac anghenion dysgu ychwanegol, gan alluogi’r rhai hynny â llai o gyfleoedd i gymryd rhan mewn profiadau trawsnewidiol. Gydag amrywiaeth eang o weithgareddau cymwys i unigolion a grwpiau, mae cyllid ar gael i ddysgwyr o bob math.

Mae’r gwerthoedd sydd wrth wraidd cyfnewidion rhyngwladol yn cyd-fynd yn agos â’r pum colofn o waith ieuenctid:

addysgol
mynegol
cyfranogol
cynhwysol
grymusol

Mae rhaglenni symudedd rhyngwladol yn galluogi sefydliadau i greu cyfleoedd mewn ffordd sy’n gwbl gyfranogol, gan ddatblygu rhaglen o weithgareddau a gynlluniwyd ar gyfer a chan bobl ifanc, a chan ganolbwyntio ar y meysydd hynny maent am eu harchwilio, dysgu amdanynt a’u datblygu fwyaf. Mae rhaglenni symudedd rhyngwladol yn galluogi pobl ifanc i brofi diwylliannau ac amgylcheddau newydd, datblygu sgiliau a galluoedd allweddol, a’u darparu â chyfleoedd i roi cynnig ar bethau newydd a dysgu faint maent yn gallu ei gyflawni mewn gwirionedd.

I staff a gwirfoddolwyr, gall y cyfle i ddysgu arfer gorau gan bartneriaid rhyngwladol fod yn hynod werthfawr. Mae Taith yn cynnig cyfleoedd i staff ddysgu drwy amrywiaeth o opsiynau, megis cyrsiau hyfforddi, cysgodi swyddi a phrosiectau datblygu systemau ar Lwybr 1, i brosiectau cydweithio strategol sy’n dymuno nodi sector mewn angen ar Lwybr 2.

Pwy sy’n gallu cyflwyno cais?

Sefydliadau sy’n gymwys i gyflwyno cais:

Sefydliadau nid-er-elw a grwpiau sy’n cael eu rheoleiddio neu eu cofrestru yng Nghymru, ac sy’n gweithredu o Gymru, sy’n gweithio ym maes ieuenctid gan gynnwys:

Cyrff cyhoeddus ar lefelau lleol, rhanbarthol neu genedlaethol;
Sefydliadau anllywodraethol, mentrau cymdeithasol a sefydliadau nid-er-elw, gan gynnwys ond heb fod yn gyfyngedig i elusennau cofrestredig a chymdeithasau corfforedig elusennol, cwmnïau budd cymunedol, cwmnïau cyfyngedig drwy warant sydd ddim yn gweithredu er elw;
Consortiwm o sefydliadau/darparwyr sy’n cynnwys un sefydliad arweiniol sy’n gwneud cais ar ran dau neu fwy o sefydliadau sy’n gweithio ym maes ieuenctid. Rhaid i bob aelod o gonsortiwm o’r fath gael ei reoleiddio neu ei gofrestru yng Nghymru, ac gweithredu o Gymru. Rhaid cytuno ar bartneriaid consortiwm a’u henwi yn y cais a ni chaniateir i sefydliadau sy’n gwneud cais godi ffi am gael eu cynnwys mewn cais gan gonsortiwm.

Gall sefydliadau nid-er-elw sy’n gweithio ym maes ieuenctid, nad ydynt wedi’u rheoleiddio neu eu cofrestru yng Nghymru ond sy’n gweithredu ledled y DU, ac sydd â phrofiad amlwg a diweddar o gyflwyno gweithgareddau yng Nghymru, hefyd fod yn gymwys i wneud cais ar yr amod eu bod yn bodloni’r meini prawf canlynol:

Cyflwynir tystiolaeth foddhaol i ddangos:

sut y bydd gweithgarwch arfaethedig y rhaglen o fudd i Gymru a
bod y cyfranogwyr arfaethedig naill ai (i) ar gyfer symudedd allanol, yn gyfranogwyr sy’n ymgymryd â sefydliad cymwys yng Nghymru, neu (ii) ar gyfer symudedd mewnol, bydd y cyfranogwyr yn ymgymryd â gweithgarwch dysgu yng Nghymru.

Nid yw sefydliadau er elw ac unig fasnachwyr yn gymwys i wneud cais na chael eu henwi fel partneriaid consortiwm. Dylech gyfeirio at ganllaw cymhwyster Taith i gadarnhau a yw eich sefydliad yn bodloni’r gofyniad cymhwyster nad yw’n gweithredu er elw.

Cyfranogwyr cymwys

Staff/Pobl sy’n gwmni:

Staff sy’n gweithio yn y maes ieuenctid, sydd â chontract cyflogaeth gyda sefydliad cymwys.
Gwirfoddolwyr sy’n gweithio yn y maes ieuenctid, a chanddynt gytundeb gwirfoddoli ffurfiol ar waith gyda sefydliad cymwys.
Arbenigwyr sy’n gweithio yn y maes ieuenctid.

Pobl Ifanc:

Pobl ifanc 11-25 oed sy’n ymgysylltu’n weithredol â sefydliad cymwys sy’n gweithio yn y maes ieuenctid, fel y’i diffinnir uchod yn yr adran sefydliadau sy’n gymwys.