2. Dogfennau a gwybodaeth y bydd angen i chi eu darparu
Dylech gael y wybodaeth berthnasol isod yn barod pan fyddwch chi’n dechrau’r ffurflen gymhwysedd.
Bydd gofyn i elusennau, sefydliadau nid er elw a chymdeithasau anghorfforedig ddarparu:
- copi o’ch cyfrifon archwiliedig/ardystiedig diweddaraf (os nad yw’r rhain ar gael, cysylltwch â’r tîm i drafod tystiolaeth amgen o gapasiti ariannol)
- manylion cyfrif banc eich sefydliad yr ydych yn bwriadu ei ddefnyddio i ddal y cyllid os yw eich cais yn llwyddiannus
- 3 chyfriflen banc ddiweddaraf eich sefydliad (rhaid iddynt fod heb eu golygu ac ar gyfer y tri mis llawn diwethaf gyda’r cyntaf wedi’i dyddio dim cyn Mehefin 2025)
- rhif eich cwmni neu elusen (os yn berthnasol)
- eich dogfen lywodraethu neu ddolen i ble y gellir cael mynediad ati (os nad ydych wedi ei darparu i ni o fewn y 12 mis diwethaf neu os yw wedi newid ers i chi ei darparu i ni ddiwethaf)
Bydd gofyn i ysgolion, colegau, awdurdodau lleol a chyrff statudol eraill ddarparu:
- manylion cyfrif banc eich sefydliad yr ydych yn bwriadu ei ddefnyddio i ddal y cyllid os yw eich cais yn llwyddiannus
- 3 chyfriflen banc ddiweddaraf eich sefydliad (rhaid iddynt fod ar gyfer y tri mis llawn diwethaf gyda’r cyntaf wedi’i dyddio dim cyn Mehefin 2025) neu lythyr ar bapur pennawd gan yr awdurdod lleol yn cadarnhau’ch manylion banc