Mae cyllid Llwybr 2 yn cefnogi arloesedd addysgol trwy bartneriaethau cydweithredol rhyngwladol dan arweiniad Cymru sy’n mynd i’r afael â mater penodol neu flaenoriaeth sector yng Nghymru.
Mae cyfnewid rhyngwladol yn galluogi rhannu gwybodaeth, arbenigedd a dysgu cydweithredol rhwng sefydliadau Cymreig a rhyngwladol, i ddatblygu theori ac ymarfer mewn addysg yng Nghymru ac yn rhyngwladol. Bwriad cyllid Llwybr 2 yw cefnogi prosiectau na fyddent yn bosibl heb fewnbwn ac arbenigedd sefydliadau partner rhyngwladol.
Y sectorau sy’n gymwys ar gyfer cyllid yw:
- Ysgolion
- Ieuenctid
- Addysg Oedolion
- Addysg Bellach ac Addysg a Hyfforddiant Galwedigaethol
Gall staff a dysgwyr sy’n cymryd rhan ym mhrosiectau Llwybr 2 ddatblygu eu dealltwriaeth, eu gwybodaeth a’u defnydd o thema neu destun allweddol a byddan nhw’n datblygu allbwn i’w rannu ag eraill yn eu sector ac yn ehangach. Trwy ledaenu allbwn, mae prosiectau Llwybr 2 yn creu buddion hirdymor ehangach i addysg yng Nghymru ac yn cyfrannu at hyrwyddo nodau rhaglen Taith yn ogystal â helpu i gael effaith gadarnhaol ar ddatblygiadau polisi mewn sectorau ledled Cymru ac yn rhyngwladol.
Mae ymweld â phartner rhyngwladol, sef yr hyn a elwir yn symudedd, yn elfen allweddol o brosiectau Llwybr 2, ond nid yw buddion symudedd i gyfranogwyr unigol yn ffocws i brosiectau Llwybr 2. Yn lle hynny, mae symudedd rhyngwladol yno i gefnogi datblygiad a chwblhau allbwn y prosiect.
Mae Taith wedi ymrwymo i wneud cyfnewid rhyngwladol yn fwy cynhwysol a hygyrch. Mae ein strategaeth ar ei newydd wedd yn canolbwyntio ar gefnogi pobl a dangynrychiolir yn flaenorol mewn cyfnewid rhyngwladol i gael mynediad at gyfleoedd. Mae hyn yn cynnwys pobl o gefndiroedd difreintiedig, cefndiroedd lleiafrifoedd ethnig, Pobl Anabl a phobl ag anghenion dysgu ychwanegol.
Mae cyllid Llwybr 2 ar gau ar hyn o bryd.
I weld gwybodaeth am alwad ariannu olaf Llwybr 2 cliciwch ar y dolenni isod.
Canllaw Llwybr 2
Adnoddau cymorth a gweminarau
Beth am gael cipolwg ar rai o’r prosiectau mae Taith wedi eu hariannu’n barod?
Edrychwch ar ein tudalen Prosiectau wedi eu Cynllunio
Ydych chi â diddordeb mewn ymuno â chyfarfodydd ein grŵp rhanddeiliaid?
Mae aelodaeth yn agored i bob unigolyn a sefydliad o fewn y sectorau yng Nghymru sydd â diddordeb/ymwneud â Taith a chyfnewid rhyngwladol, a gall aelodau ymuno/gadael ar unrhyw adeg. Darganfyddwch pryd mae ein cyfarfod nesaf yn cael ei gynnal a sut i gofrestru eich diddordeb.
Unrhyw gwestiynau?
Os oes gennych unrhyw gwestiynau cysylltwch â’r tîm. Rydyn ni bob amser yn hapus iawn i helpu.
ymholiadau@taith.cymru
