Mae cyllid Llwybr 1 yn cefnogi cyfnewid dysgu rhyngwladol trwy symudedd tuag allan (cyfranogwyr sy’n mynd o Gymru) a symudedd i mewn (cyfranogwyr sy’n dod i Gymru) gan naill ai grwpiau neu gyfranogwyr unigol.
Cyfnewid rhyngwladol yw cyfnewid dysg rhwng unigolyn neu grŵp o bobl o Gymru, ac unigolyn neu grŵp o bobl o wlad arall. Mae’r cyfnewid hwn yn galluogi cyfranogwyr i ddysgu oddi wrth ei gilydd, i rannu profiadau ac i feithrin cyfeillgarwch.
Y sectorau sy’n gymwys ar gyfer cyllid yw:
- Ysgolion
- Ieuenctid
- Addysg Oedolion
- Addysg Bellach ac Addysg a Hyfforddiant Galwedigaethol
- Addysg Uwch (yn cynnwys Addysg ac Ymchwil)
Mae cyllid ar gael i ddysgwyr, pobl ifanc a staff i ymgymryd â chyfnewidiadau rhyngwladol, yn y tymor byr a’r tymor hir, sy’n darparu cyfleoedd i rannu dysgu, profi diwylliannau gwahanol a datblygu sgiliau newydd.
Mae Taith wedi ymrwymo i wneud cyfnewid rhyngwladol yn fwy cynhwysol a hygyrch. Mae ein strategaeth ar ei newydd wedd yn canolbwyntio ar gefnogi pobl a dangynrychiolir yn flaenorol mewn cyfnewid rhyngwladol i gael mynediad at gyfleoedd. Mae hyn yn cynnwys pobl o gefndiroedd difreintiedig, cefndiroedd lleiafrifoedd ethnig, Pobl Anabl a phobl ag anghenion dysgu ychwanegol.
Er mwyn i gyfnewidiadau Llwybr 1 gael yr effaith fwyaf, rhaid i o leiaf 25% o ddysgwyr neu bobl ifanc sy’n cymryd rhan mewn prosiect ddod o grwpiau heb gynrychiolaeth ddigonol. Mae’n bosibl i symudedd fod ar gyfer staff yn unig, ond rhaid iddo gael effaith glir ac amlwg ar y dysgwyr neu’r bobl ifanc y maent yn gweithio gyda nhw, yn enwedig y rhai o grwpiau heb gynrychiolaeth ddigonol. Mae cymorth ar gael gan Taith i helpu i gael gwared ar rwystrau i gyfranogiad a gellir dod o hyd i ragor o wybodaeth am hyn yng nghanllawiau blynyddol Llwybr 1.
Mae ceisiadau ar gyfer Llwybr 1 2025 yn agor ar 30 Ionawr 2025 a bydd y dyddiad cau ar 27 Mawrth 2025 am hanner dydd.
Camgymeriadau Cyffredin gyda ffurflenni cais Taith
Rydyn ni eisiau sicrhau bod gennych chi'r siawns orau o fod yn llwyddiannus yn eich cais felly dyma dri o'r camgymeriadau mwyaf cyffredin o geisiadau blaenorol. Rydyn ni yma i helpu, ac os ydych chi eisiau unrhyw gymorth i wneud cais cysylltwch â ni ymholiadau@taith.cymru
Ychwanegwch eich manylion cyswllt
Peidiwch ag anghofio ychwanegu eich manylion cyswllt at eich ffurflen gais fel y gallwch ei chadw a chael mynediad ati unwaith eto. Gwiriwch fod eich cyfeiriadau e-bost a rhifau ffôn yn gywir cyn cyflwyno hefyd.
Gwiriwch eich cyfnodau yn y cyfrifydd grant
Os gwelwch chi liw glas, melyn neu goch, yna mae rhywbeth o'i le mae angen newid. Hefyd, sicrhewch fod mis cychwyn wedi'i nodi yng ngholofn A er mwyn amcangyfrif hyd y prosiect yn gywir.
Cyfiawnhewch eich cyrchfan
Eglurwch yn glir pam rydych chi wedi dewis cyrchfan benodol ar gyfer eich symudedd. Beth mae'n ei gynnig sy'n ei wneud yn gyrchfan orau ar gyfer eich prosiect? Os yw'r gyrchfan yn bell i ffwrdd, ystyriwch pam mae angen y gyrchfan honno’n hytrach nag opsiwn sydd yn nes.
Ymgeisiwch yma
Canllaw Llwybr 1
Adnoddau cymorth a gweminarau
Dechreuwch eich cais yma
Beth am gael cipolwg ar rai o’r prosiectau mae Taith wedi eu hariannu’n barod?
Edrychwch ar ein tudalen Prosiectau wedi eu Cynllunio
Ydych chi â diddordeb mewn ymuno â chyfarfodydd ein grŵp rhanddeiliaid?
Mae aelodaeth yn agored i bob unigolyn a sefydliad o fewn y sectorau yng Nghymru sydd â diddordeb/ymwneud â Taith a chyfnewid rhyngwladol, a gall aelodau ymuno/gadael ar unrhyw adeg. Darganfyddwch pryd mae ein cyfarfod nesaf yn cael ei gynnal a sut i gofrestru eich diddordeb.
Unrhyw gwestiynau?
Os oes gennych unrhyw gwestiynau cysylltwch â’r tîm. Rydyn ni bob amser yn hapus iawn i helpu.
ymholiadau@taith.cymru
