Cwestiynau Cyffredin

Gall sefydliadau sy’n derbyn cyllid  wneud newidiadau i’w prosiectau drwy gydol ei ddarpariaeth lle maent yn ofynnol. Yn ogystal â newidiadau trosfwaol i brosiectau, megis newid manylion contractau a hyd prosiectau, gellir hefyd wneud ceisiadau i newid manylion sy’n benodol i’r rhaglen gyfnewid, megis cyrchfannau a nifer y cyfranogwyr. 

Sylwer: ni ddylai unrhyw ddiwygiadau prosiect newid y nodau a’r amcanion sylfaenol na’r sail ar gyfer dyfarnu cyllid i’r prosiect yn y Cais am Grant.   

Mewn rhai achosion, rhaid i Taith gymeradwyo newidiadau cyn iddynt ddod i rym. Mae manylion llawn am reolau newid ceisiadau yn Atodlen 8 o’ch Llythyr Cytundeb Grant. Mae’r ffurflen a’r canllawiau ar gael yn Ardal Aelodau gwefan Taith. Caiff cais i newid ei ystyried os yw’n cyd-fynd â’r cais a gymeradwywyd ac yn bodloni nodau ac amcanion y prosiect o hyd neu’n eu datblygu.  

Mae’r holl gostau cynhaliaeth a theithio i gyfranogwyr, yn ogystal â chymorth sefydliadol, yn gyfraniad cost uned, ac yn seiliedig ar hyd y rhaglen gyfnewid a’r wlad dderbyn. Caiff yr uned gost ei thalu yn ei chyfanrwydd ac i’r holl gyfranogwyr (sy’n dod ac yn mynd). Dylai’r sefydliad anfon neu dderbyn lofnodi a dyddio datganiad neu dystysgrif o bresenoldeb ar ddiwrnod olaf y rhaglen gyfnewid, gan gadarnhau enw’r cyfranogwr diben y gweithgaredd a’r dyddiad dechrau a dod i ben a gadarnhawyd.  

Ni fydd Taith yn gofyn am gopïau o dderbynebau i ddangos gwariant, lle mae cyfranogiad cost uned wedi’i gymhwyso; rhaid i bob sefydliad wirio eu rheoliadau ariannol perthnasol i wirio a oes angen derbynebau at eu dibenion archwilio eu hunain.  

Bydd angen i Taith gymeradwyo Gwariant ar gyfer Teithio Gwyrdd, Costau Eithriadol a Chymorth Cynhwysiant o flaen llaw. Mae’r rhain yn gostau gwirioneddol, y mae’n rhaid eu cefnogi gyda derbyneb ddilys (neu gyfwerth). Heb hyn, ni fydd taliad gan Taith. Bydd angen derbynneb ddilys ar gyfer yr holl wariant awdurdodedig y mae’n rhaid eu cadw am ddeuddeng mlynedd. Ni thelir am unrhyw wariant anawdurdodedig. 

Rydym ni’n deall y gall fod yn anodd casglu mathau penodol o dystiolaeth ar gyfer cyllid ychwanegol am sawl rheswm. Mewn amgylchiadau lle na ellir darparu neu gael y dystiolaeth angenrheidiol, byddem ni’n gofyn i sefydliadau ddarparu manylion prosesau mewnol a ddefnyddir i nodi cyfranogwyr o gefndiroedd dan anfantais. Gallai hyn naill ai fod drwy adran les neu dîm gofal bugeiliol sy’n darparu’r cadarnhad angenrheidiol, ond i sefydliadau nad oes ganddynt adrannau arbenigol tebyg, bydd angen tystysgrif arnom gan arweinydd y prosiect Taith, y cyfranogwr a’r rhiant/gofalwr lle bo’n berthnasol.  

Gellir cyflwyno cyllid ychwanegol i Taith ar gyfer Teithio Gwyrdd, Costau Ychwanegol a Chymorth Cynhwysiant o leiaf 30 niwrnod cyn cynhaliaeth y symudedd.

Mae’r ffurflen gais a’r canllawiau i gyflwyno cais am gyllid ychwanegol ar gael yn Ardal Aelodau gwefan Taith. 

Teithio Gwyrdd  

At ddibenion Taith, mae “Teithio Gwyrdd” yn cael ei ddiffinio fel teithio lle defnyddir dull trafnidiaeth isel ei allyriadau yn hytrach na hedfan. Er enghraifft, pan fydd teithio ar feic, trên, coets neu rannu ceir ar gyfer y daith yn ei chyfanrwydd. Mae Taith hefyd yn ystyried fferïau fel dull trafnidiaeth uchel ei allyriadau. 

Costau Eithriadol 

Gall costau eithriadol fod yn un o’r ddwy ganlynol: 

• Teithio cost eithriadol yw cost teithio o/i ardal anghysbell (dim ond ar gyfer y rhai hynny sy’n derbyn grant teithio). At ddiben Taith, diffinnir ardal anghysbell fel ardal lle nad oes seilwaith trafnidiaeth sefydledig i gyrraedd neu adael y gyrchfan. Golyga seilwaith trafnidiaeth yr holl brif ffyrdd, ffyrdd, llwybrau beicio, palmentydd, meysydd awyr, rheilffyrdd a chyfleusterau docio, yn ogystal â chyfleusterau trafnidiaeth a thramwy.  

• Mae costau eithriadol sy’n gysylltiedig â Covid yn cwmpasu costau sy’n gysylltiedig â Covid, yn benodol lle mae statws y wlad gyrchfan yn newid yn ystod symudedd, gan achosi i’r cyfranogwr fynd i gostau ychwanegol sylweddol oherwydd gofyniad i gwarantîn mewn cyfleuster pwrpasol, cydymffurfio â gofynion profi uwch neu debyg. Dylid cael yswiriant perthnasol ar gyfer pob symudedd, nid bwriad y gost eithriadol hon yw disodli yswiriant covid. 

Cymorth Cynhwysiant 

Mae hyn ar gyfer yr holl gyfranogwyr ag anghenion dysgu ychwanegol (ADY), anableddau neu’r rhai hynny o gefndir difreintiedig. Hefyd, mae gwybodaeth am gyllid ychwanegol ar gael yn y Canllaw Rhaglen, Atodlen 2 ac Atodlen 6 eich llythyr Cytundeb Grant.  

Diffiniad ADY yw: Fel a ddiffiniwyd gan Ddeddf Anghenion Dysgu Ychwanegol a’r Tribiwnlys Addysg (Cymru) 2018 (y Ddeddf ADY), Cod Anghenion Dysgu Ychwanegol Cymru 2021 (y Cod ADY).  

Diffiniad anabledd yw: ‘Diffiniad person anabl yw rhywun â nam corfforol neu feddyliol sydd ag effaith ‘sylweddol’ a ‘thymor hir’ ar eu gallu i gyflawni gweithgareddau beunyddiol (Deddf Cydraddoldeb 2010)’.  

Mae cyfranogwyr rhaglenni cyfnewid derbyn yn gymwys am grant rhaglen gyfnewid Taith, sy’n gyfraniad tuag at gostau teithio a byw yn ystod y rhaglen gyfnewid. Gellir hefyd ofyn am gyllid ychwanegol am gymorth cynhwysiant (ADY ac anableddau’n unig), teithio eithriadol drud a theithio gwyrdd.  

Anogir cyfranogwyr rhaglenni cyfnewid derbyn i chwilio am gyllid cyfatebol a defnyddio ffynonellau eraill o gyllid. 

Mae’r cyllid ar gyfer rhaglenni cyfnewid mewnol yn seiliedig ar gyfraniad cyfanswm cost ar gyfer cynhaliaeth a theithio, nifer y cyfranogwyr sy’n mynd yn allanol a’r ganran y gofynnwyd amdani i gefnogi rhaglenni cyfnewid tuag i mewn. Gan fod eich cyllid mewnol yn cael ei gyfrifo fel canran och grant rhaglen gyfnewid allanol, bydd unrhyw ostyngiad i’ch grant rhaglen gyfnewid allanol yn lleihau eich grant rhaglen gyfnewid mewnol yn briodol.  

Rydym ni’n deall na fydd niferoedd y cyfranogwyr sy’n cael eu derbyn bob amser yn cyd-fynd â chanran y cyfranogwyr sy’n mynd allan a ddewiswyd adeg cyflwyno’r cais oherwydd bod gwahaniaeth yn y grantiau cynhaliaeth a theithio’r sefydliadau derbyn ac anfon. Ar yr amod bod yr holl gyfranogwyr sy’n cael eu derbyn yn derbyn yr hyn maent yn gymwys amdano’n llawn (gan dderbyn y gyfradd gynhaliaeth Grŵp 1 i Gymru), mae hyn yn ddigonol. 

Mae taliadau Cymorth Sefydliadol yn gyfraniad at unrhyw gost sy’n cael ei chodi gan y sefydliad(au) mewn perthynas â gweithgareddau i gefnogi dysgwyr a staff rhaglenni cyfnewid, yn fewnol ac yn allanol.   

Mae costau cymwys ar gyfer Cymorth Sefydliadol yn cynnwys, heb fod yn gyfyngedig i, y canlynol:  

• Digwyddiadau rhwydweithio, cymdeithasol a diwylliannol; 
• Teithiau diwylliannol lleol a drefnir i gyfranogwyr rhaglenni cyfnewid;   
• Cyfraniad tuag at ffioedd yswiriant a fisâu;   
• Digwyddiadau i hyrwyddo cyfranogiad yn Taith;  
• Deunyddiau hyrwyddo;   
• Gweithgareddau llysgenhadon Taith;  
• Costau staff rheoli prosiect Taith (dim ond pan nad yw hyn eisoes wedi’i gynnwys yn nyfarniad y grant);   
• Cyfraniad i gynnwys cyflenwad staff.e.e. athrawon cyflenwi;  
• Costau pasbort neu fisa ychwanegol; 
• Y defnydd o arbenigwyr;  
• Costau cymhwysedd cymeradwy ychwanegol lle nad yw’r cyfraniad cost uned yn ddigonol, e.e. teithio a chynhaliaeth. 

Yn unol â’r llythyr Cytundeb Grant, mae’n ofynnol i’r sefydliad sy’n derbyn cyllid gwblhau adroddiadau misol a therfynol ac, mewn rhai achosion, adroddiadau chwarterol/interim. Bydd yr adrodd misol yn rhoi manylion am ddata cyfranogwyr a’r cyflawniad hyd yma yn erbyn y targedau. Nid oes angen sylwebaeth ychwanegol.  

Bydd yr adroddiadau chwarterol/interim a therfynol yn cynnwys cadarnhau’r data misol gyda’r sylwebaeth berthnasol ar y prosiectau a sut maent yn cael eu cyflawni’n unol â’r Cais am Grant gwreiddiol. Pan fydd yr adroddiadau wedi cael eu hadolygu, caiff adborth ei ddarparu ynghyd â chadarnhad o unrhyw daliad pellach.  

Bydd angen dogfennaeth ychwanegol ar gyfer adroddiadau terfynol fel a nodir yn Atodlen 4 (i sefydliadau sy’n derbyn cyllid a ddyfarnwyd dan Lwybr 1, rownd 1) / Atodlen 6 (i sefydliadau sy’n derbyn cyllid a ddyfarnwyd dan Lwybr 1, rownd 2). Mae’r terfynau amser ar gyfer yr adroddiadau interim (os bydd angen un) a therfynol wedi’u hamlinellu yn Atodlen 1 a fydd ar ddiwedd y mis Caiff yr adroddiadau eu cyflwyno’n electronig a byddant ar gael ar wefan Taith yn fuan. Yn achos unrhyw brosiectau sy’n dechrau cyn cyhoeddi’r ffurflenni electronig, bydd angen cadw cofnod ysgrifenedig o’r wybodaeth ofynnol. E-bostiwch cefnogaeth@taith.cymru ar gyfer manylion am y canllawiau a’r templedi.   

Mae’r egwyddor yn berthnasol i gyfranogwyr rhaglenni cyfnewid sy’n cael eu derbyn a’u hanfon lle byddant wedi derbyn cyllid a ddiffinnir fel cyllid cyhoeddus. Caiff cyllid cyhoeddus ei ddiffinio fel adnoddau ariannol a ddarparwyd gan y llywodraeth (gan gynnwys llywodraethau ffederal, talaith, rhanbarthol neu leol) neu gyrff eraill megis asiantaethau sydd wedi’u hariannu gan gyllid cyhoeddus.  

Gall cyfranogwyr dderbyn ffynonellau amrywiol o gyllid i gefnogi eu rhaglen gyfnewid. Fodd bynnag, os ystyrir bod unrhyw un o’r rhai hynny’n gyllid cyhoeddus a’r bwriad fydd i’w ddefnyddio i dalu’r un mathau o gostau y byddai Taith yn eu talu hefyd (megis teithio, cynhaliaeth a chostau ychwanegol cymwys), byddai hyn yn cael ei ddiffinio fel cyllido dwbl a rhaid ei osgoi, lle bo’n bosib. 

Mewn achosion lle nad yw grant Taith yn talu’r holl gostau gwirioneddol dan sylw, gall sefydliadau sy’n derbyn cyllid ychwanegu atynt o ffynhonnell gyllido amgen hyd at swm y gost wirioneddol, ond ddim y tu hwnt i’r swm hwnnw. 

Yn anffodus, nid yw Taith yn gallu cynnig cyngor na chymorth i sefydliadau sy’n derbyn cyllid ar unrhyw agwedd ar gyflwyno cais am fisâu. O ganlyniad i’r DU yn ymadael â’r Undeb Ewropeaidd (UE), mae’r rheolau sy’n berthnasol i ddysgwyr, ac yn wir, holl ddinasyddion y DU sy’n teithio i’r UE, bellach yn fwy cymhleth (lle caiff rheolau mewnfudo cyffredinol eu pennu ar lefel Aelod-wladwriaethau’r UE yn bennaf; Mae mewnfudo a fisâu i Gymru ac oddi yno yn destun rheolau a bennir gan  y Swyddfa Dramor, y Gymanwlad a Datblygu (FCDO) y mae’n rhaid cydymffurfio â nhw. Mae’r rhain yn gyfrifoldeb y sefydliad sy’n derbyn cyllid i’w dilyn. Mae rhagor o wybodaeth ar dudalen 109 yr adran 4.3 – Fisâu ac mewnfudo Canllaw Rhaglen Llwybr 1  

Bydd sefydliadau sy’n derbyn cyllid yn gyfrifol am roi cytundebau ysgrifenedig priodol a threfniadau ehangach ar waith gyda’u sefydliadau partner rhyngwladol cyn y gellir cynnal unrhyw raglenni cyfnewid (neu cyn i’r prosiect cydweithredol ddechrau). Bydd yn rhaid i’r cytundeb ysgrifenedig amlinellu hawliau a rhwymedigaethau’r partïon mewn perthynas â rhaglenni cyfnewid tuag allan (a rhaglenni cyfnewid derbyn os yn berthnasol).  

Mae pob sefydliad sy’n derbyn cyllid a phrosiect yn wahanol, ac nid yw Taith yn darparu nac yn gofyn am gytundebau templed penodol. Dylai sefydliadau sy’n derbyn cyllid gymryd cyngor cyfreithiol annibynnol pan fo’n briodol, gan sicrhau bod y trefniadau’n cydymffurfio â’r Cytundeb Grant sylfaenol sydd ar waith gyda Taith a’r Canllawiau Rhaglen perthnasol.  

Bydd disgwyl i sefydliadau sy’n derbyn cyllid yng Nghymru gyfathrebu’n glir delerau unrhyw gyfraniadau i’w gwneud (er enghraifft, cytundeb rhwng-sefydliadol neu bartneriaeth rhwng y sefydliad sy’n cyflwyno cais ac sy’n derbyn) a nodi swm y cymorth ariannol a ddyrennir i’r cyfranogw(y)r ond mae union beniad dogfennau o’r fath yn fater i chi. 

Mae manylion llawn am y math o wybodaeth rydym ni’n ei chasglu, y rhesymeg a’r sail gyfreithiol am gasglu’r wybodaeth hon, ynghyd â sut y bydd yn cael e phrosesu, ar gael yn ein Polisi Preifatrwydd. 

O ran darparu data sensitif, os byddwch chi’n derbyn hyn gan gyfranogwyr, byddem ni’n gofyn i chi eu darparu yn eich offeryn adrodd; mewn achosion lle nad oes modd casglu gwybodaeth gan gyfranogwyr, nid yw hyn yn rhan orfodol o’r gofynion adrodd misol.