Mae adroddiad newydd yn tynnu sylw at effaith Taith wrth gryfhau ymgysylltiad rhyngwladol ledled Cymru
Mae canlyniadau arolwg annibynnol newydd ledled y DU wedi tynnu sylw at sefyllfa gref sefydliadau yng Nghymru o ran cydweithio rhyngwladol, gyda rhaglen Taith wedi’i nodi fel un o’r prif ffactorau sy’n sbarduno’r llwyddiant hwn.
Wedi’i gyhoeddi gan InterCom ym mis Mai 2026, mae’r adroddiad “Erasmus Plus: Are You Ready?” yn archwilio pa mor barod mae sefydliadau ledled y DU ar gyfer cyfleoedd rhyngwladol yn y dyfodol. Er ei fod yn tynnu sylw at lefelau amrywiol o barodrwydd ledled y DU, mae’n dangos bod Cymru’n sefyll allan am ei hymgysylltiad a’i gallu parhaus.
Mae InterCom, sydd yn rhwydwaith a sefydlwyd mewn ymateb i ymadawiad y DU o raglenni addysg Ewropeaidd, yn cefnogi sefydliadau drwy wybodaeth, hyfforddiant ac arweiniad ar fentrau fel Erasmus+. Mae’r arolwg a’r adroddiad yn rhan o’i waith ehangach i baratoi’r sector ar gyfer dychweliad y DU i Erasmus+, gan asesu parodrwydd a nodi’r gefnogaeth bydd ei hangen ar sefydliadau i gymryd rhan yn llwyddiannus o 2027 ymlaen.
Mae’r adroddiad yn cynnig cipolwg go iawn ar gyflwr presennol y DU o ran parodrwydd ar gyfer dychweliad Erasmus+ ac mae’n cynnwys rhai awgrymiadau gwerthfawr gan ymatebwyr ar yr hyn gellir ei wneud i sicrhau’r ymgysylltiad a’r defnydd mwyaf posibl.
Cymru ar y blaen
Un o’r canfyddiadau cliriaf o’r adroddiad yw cryfder gweithgareddau rhyngwladol yng Nghymru o’i gymharu â gwledydd eraill y DU.
Rhoddodd sefydliadau yng Nghymru “ymatebion llawer mwy cadarnhaol” pan ofynnwyd iddyn nhw am eu profiad o waith rhyngwladol a phartneriaethau presennol.
Er enghraifft, roedd sefydliadau Cymru:
Mae’r canfyddiadau hyn yn dangos bod diwylliant sefydledig o ymgysylltu rhyngwladol ledled Cymru, gyda sefydliadau mewn sefyllfa gref i gynnal a thyfu partneriaethau byd-eang yn y dyfodol.
Mae Taith yn cael ei chydnabod fel cyfrannwr allweddol
Mae’r adroddiad yn priodoli’r canlyniadau cadarnhaol hyn yn uniongyrchol i effaith Taith.
Yn dilyn tynnu’r DU allan o Erasmus+, profodd llawer o sefydliadau ledled y DU golled o ran capasiti, partneriaethau ac arbenigedd mewn gwaith rhyngwladol. Fodd bynnag, yng Nghymru, mae Taith wedi chwarae rhan hanfodol wrth gynnal a datblygu’r cysylltiadau hyn.
O ganlyniad, mae sefydliadau Cymru wedi gallu:
Mae’r adroddiad yn disgrifio hyn fel “tyst clir i lwyddiant rhaglen Taith”, gan gydnabod ei rôl wrth gadw Cymru yn gysylltiedig yn fyd-eang yn ystod cyfnod o newid sylweddol.
Ymgorffori cynhwysiant a hygyrchedd wrth wraidd cyfleoedd rhyngwladol
Thema allweddol a amlygwyd yn yr adroddiad yw pwysigrwydd sicrhau bod rhaglenni rhyngwladol yn hygyrch i bawb, yn enwedig pobl ifanc o gefndiroedd amrywiol a’r rhai sydd â llai o gyfleoedd.
Pwysleisiodd yr ymatebwyr yr angen i gael gwared ar rwystrau i gymryd rhan yn Erasmus+, gan alw am:
Mae’r blaenoriaethau hyn yn adlewyrchu’n agos y dull a ddefnyddiodd Taith, a gydnabu’r rhwystrau hyn yn gynnar ac ymatebodd yn gyflym i ymgorffori cydraddoldeb a mynediad yn nyluniad a chyflwyniad y rhaglen.
Mae’r adroddiad yn cydnabod Taith yn benodol fel enghraifft gadarnhaol o raglen gynhwysol a hygyrch, gyda’r ymatebwyr yn tynnu sylw at ei gallu i gyrraedd ystod eang o gyfranogwyr a sefydliadau.
Yn benodol, mae Taith wedi cefnogi:
Tynnodd ymatebwyr o Gymru sylw at Taith fel model ar gyfer sut gellir cynllunio rhaglenni yn y dyfodol i gefnogi cynhwysiant yn well, gyda galwadau am i’r dull hwn gael ei adlewyrchu’n ehangach.
Drwy ymgorffori cynhwysiant a hygyrchedd ar draws ei weithgareddau, mae Taith wedi helpu i sicrhau bod cyfleoedd rhyngwladol ar gael ac yn gyraeddadwy, gan alluogi ystod ehangach a mwy amrywiol o gyfranogwyr i elwa.
Cefnogi cysylltiadau byd-eang ar gyfer dysgwyr a sefydliadau
Mae’r canfyddiadau’n atgyfnerthu effaith Taith wrth alluogi sefydliadau a chyfranogwyr ledled Cymru i gymryd rhan mewn cyfnewidiadau a phartneriaethau rhyngwladol.
Drwy gefnogi cyfnewidiadau rhyngwladol ar gyfer pob sector addysg, mae Taith wedi:
Edrych ar y dyfodol
Wrth i raglenni rhyngwladol barhau i esblygu, mae’r adroddiad yn tynnu sylw at bwysigrwydd sicrhau bod sefydliadau’n cael eu cefnogi i ymgysylltu’n llawn, a bod cyfleoedd yn parhau i fod yn hygyrch ac yn gynhwysol.
Mae’r profiad yng Nghymru yn dangos beth gellir ei gyflawni gyda’r gefnogaeth gywir yn ei lle. Ar adeg pan fydd llawer o sefydliadau ledled y DU yn edrych i ailadeiladu capasiti rhyngwladol, mae’r sylfaen gref a sefydlwyd trwy Taith yn dangos manteision cefnogaeth barhaus – wrth gryfhau partneriaethau presennol ac wrth alluogi sefydliadau newydd, gan gynnwys y rhai a oedd wedi’u tangynrychioli o’r blaen mewn gweithgaredd rhyngwladol, i ymgysylltu. Mae hefyd yn tanlinellu pwysigrwydd gwneud pethau’n wahanol os yw Erasmus+ am ymgysylltu’n llawn â sefydliadau Cymru. Mae llwyddiant Taith wedi’i yrru gan ei allu i weithredu fel rhaglen genedlaethol ymatebol, gan weithio’n agos gyda phartneriaid ac addasu i anghenion dysgwyr a chymunedau Cymru. Mae’r hyblygrwydd a’r agosrwydd hwn yn cynnig gwersi pwysig ar gyfer y dyfodol.
"Erasmus Plus: Are You Ready?"Newyddion diweddaraf o'r rhaglen.
