Mae oedolion ag anableddau dysgu yn ennill hyder, profiadau diwylliannol a chyfeillgarwch gydol oes drwy The Tenby Project CIC
Ym mis Mai 2026, aeth The Tenby Project CIC, sy’n ganolfan gymunedol yng Ngorllewin Cymru, â grŵp o ddysgwyr sy’n oedolion ag anableddau dysgu i Iwerddon. I lawer o gyfranogwyr, dyma’r tro cyntaf iddyn nhw deithio heb aelodau agos o’r teulu, ac i rai, eu profiad cyntaf o deithio dramor.
Trwy baratoi gofalus, cefnogaeth ymroddedig a chydweithio â phartneriaid Gwyddelig, galluogodd y prosiect gyfranogwyr i brofi diwylliant newydd, datblygu mwy o annibyniaeth, meithrin cyfeillgarwch parhaol a thyfu mewn hyder. Yn ystod y cyfnewid, dysgon nhw hefyd am ‘Make Away Day’, menter Wyddelig sy’n nodi ac yn tynnu sylw at rwystrau sy’n effeithio ar bobl ag anghenion symudedd, gan helpu i greu cymunedau mwy hygyrch a chynhwysol.
Mae eu stori’n dangos pŵer trawsnewidiol dysgu rhyngwladol. Mae’n dangos, pan fydd y gefnogaeth gywir ar waith, gall a dylai cyfleoedd i gysylltu, dysgu a thyfu tu hwnt i ffiniau fod yn hygyrch i bawb.
